Shkarkohet gjyqtari Boçi, kërkoi favore seksuale

Këshilli i Lartë i Drejtësisë shkarkoi me 14 vota pro dhe asnjë kundër kreun e gjykatës së Gjirokastrës, Guximtar Boçi. Vendimi për shkarkimin e tij erdhi pas publikimit të një audio-regjistrimi ku ai i kërkonte një qytetareje favore seksuale, në këmbim të dhënies së një vendimi gjyqësor në favor të saj. Mbledhja urgjente e KLD-së u bë me kërkesë të ministrit të drejtësisë, Ylli Manjani, ndërsa Këshilli i Larte i Drejtësisë miratoi dhe fillimin e inspektimit për gjyqtaren dhe inspektoren që përmenden në regjistrimin audio.