Sheshi “Skënderbej” ka marrë një tjetër vlerësim ndërkombëtar.
Mes 393 projekteve që garonin për Çmimin e Bashkimit Europian për Arkitekturën Bashkëkohore, Sheshi “Skënderbej” mbërriti deri në finale dhe fitoi çmimin e vendit te dytë, duke marrë vlerësime nga juria profesioniste nga e gjithë Europa për fuqinë transformuese, fokusin tek këmbësorët, qëndrueshmërinë dhe gjelbërimin.
Ajo që ra në sy ishte gara e fortë dhe rezultati tejet i ngushtë i votimit, 4-3 në fazën finale, mes sheshit “Skënderbej” në Tiranë dhe projektit fitues të studios së famshme franceze “Lacaton- Vasal”, e cila konkuronte me një projekt godinash banimi dhe shërbimi në Bordo të Francës.
Ishte nënkryetari Arbjan Mazniku ai që mori çmimin në emër të Bashkisë së Tiranës në ceremoninë e organizuar me këtë rast, ku vlerësohet përsosmëria dhe inovacioni në fushën e arkitekturës.
Më herët Sheshi Skenderbeu kishte fituar edhe çmimin prestigjioz europian për “Hapësirën Publike Urbane 2018” në Barcelonë.
