Shau nga nëna futbollistin shqiptar në Euro 2020, dënohet Arnautovic

Sulmuesi austriak, Marko Arnautovic është dënuar nga UEFA me 1 ndeshje pezullim për shkak të ofendimeve me përmbajtje raciste ndaj futbollistit shqiptar të Maqedonisë së Veriut.

Gjatës festës për golin e tretë të shënuar ndaj Maqedonisë së Veriut pak ditë më parë, ai shau nga nëna futbollistin shqiptar Ezgjan Alioski.

Për pasojë, ai do të humbasë ndeshjen kundër Hollandës, që është planifikuar të zhvillohet të enjten.

Maqedonia e Veriut kërkoi nga UEFA që të dënonte lojtarin për veprimin, e menjëherë u hap një hetim.

Arnautovic kërkoi falje përmes mediave sociale. Ai pranoi që kishte shpërthyer dhe kishte thënë disa fjalë të tepruara, por hodhi poshtë çdo akuzë për racizëm.