Manaj ‘shpërthen’ në Turqi, dopietë dhe asist në fitoren e Sivasspor

Rey Manaj ka qenë protagonist kryesor në fitoren e thellë 4-1 të Sivassporit kundër Pendikspor, duke realizuar dy gola dhe duke dhënë një kontribut të rëndësishëm në suksesin e skuadrës së tij.

Sulmuesi i Kombëtares shqiptare konfirmoi edhe një herë aftësitë e tij para portës, duke gjetur rrugën e rrjetës në dy raste dhe duke ndihmuar Sivassporin të sigurojë një fitore bindëse.

Paraqitja e Manajt është një sinjal pozitiv edhe për Kombëtaren shqiptare, ku sulmuesi mbetet një nga emrat e rëndësishëm në repartin ofensiv.

Me këtë formë, Manaj synon të vazhdojë paraqitjet pozitive në kampionatin turk dhe të mbajë ritmin e shënimit të golave në vazhdim të sezonit.

Ai ka shënuar 8 gola dhe ka asistuar 3 herë këtë sezon.