Pas kritikave publike që Kryeministri Edi Rama i ka drejtuar gazetarëve duke i cilësuar ata të paditur për çështjen e imunitetit parlamentar, ka reaguar Unioni i Gazetarëve.
Në një komunikatë për mediat, zyrta e shtypit të UGSH-së i ka bërë apel drejtuesve të mediave për bojkot të veprimtarisë se Kryeministrisë ditën e premte.
Ky qëndrim vjen pas replikave që kreu i qeverisë pati me disa prej gazetarëve politik që mbulojnë punimet e kuvendit. Rama i kritikoi këta të fundit për mosnjohje të rregullores së Kuvendit, Komisionit të mandateve apo dhe çështjes së imunitetit, i cili nuk pengon Prokurorinë të hetojë deputetët.
Ja njoftimi i plotë i Unionit të Gazetarëve:
Gjuha dhe leksionet e zotit Kryeministër për gazetaret janë te papranueshme dhe një arsye e madhe refuzuese.
Tirane me 25.10.2017
Deklarimet e ditës se sotme te zotit Edi Rama, Kryeministër i Shqipërisë, drejtuar reportereve te mediave te vendit, janë një arrogancë në komunikim dhe fyerje e një përfaqësuesi të lartë politik dhe shtetëror ndaj gazetareve në përgjithësi.
Kryeministri i vendit ne mënyrë të përsëritur përdor publikisht etiketime fyese dhe injoruese ndaj mediave te vendit dhe gazetareve. Pohime te tilla dhe etiketimet ne fjale përbejnë një precedent te rrezikshëm ne marrëdhëniet mes dy pushteteve te njohura ne jetën e sotme te shoqërisë, përkatësisht te ashtuquajturit pushtet Ekzekutiv dhe atij te medias.
Unioni i Gazetareve Shqiptare denoncon këtë gjuhe dhe këtë komunikim etiketues te Kryeministrit dhe apelon për një qëndrim refuzues te te gjihe anëtareve te organizatës sonë dhe komunitetit profesional ne përgjithësi.
UGSH me indinjate deklarohet se kjo sjellje dhe ky komunikim fyes i kryeministrit kane një lidhje dhe mbartin edhe pergjegjesine e madhe për gjendjen kritike ne te cilën gjenden gazetaret e sotëm ne vend, ndërkohë qe vlerësojmë se është përgjegjësia e Tij dhe e institucioneve te tjera ligjore qe gjate kësaj kohe informaliteti dhe shembja e vlerave profesionale po shnderrohen ne plage te mëdha, çdo dite e me tepër ne jetën mediatike te vendit.
Unioni i Gazetareve Shqiptare propozon për gazetaret një bojkot te veprimtarisë se Kryeministrisë ne ditën e premte. Ftojmë gjithë editoret e medias shqiptare te bëhen pjese e këtij reagimi refuzues!
Zyra e shtypit
Unioni i Gazetareve Shqiptare
