E premte, 20 Nëntor 2026 Lajme Ora 15:00 dhe Moti deri në 15:40 Në vijim ora 15:40: Fat i Hidhur Reklamo Kontakt Karriera
Vizion Plus
Sport

Mediat turke: Ernest Muçi kërkohet nga skuadra e madhe europiane ku shkëlqeu Salah

Ernest Muçi është kthyer në qendër të vëmendjes së merkatos europiane. Sulmuesi i Kombëtares shqiptare, falë paraqitjeve pozitive me Trabzonsporin, është lidhur me një transferim të mundshëm te Roma.

Sipas raportimeve të mediave turke, klubi italian ka marrë informacion për situatën e 25-vjeçarit, ndërsa në këtë histori përmendet edhe një emër i madh i futbollit botëror: Mohamed Salah.

Ish-futbollisti i Romës thuhet se ia ka rekomanduar Muçin grupit Friedkin, pronarëve të klubit kryeqytetas.

Një tjetër detaj që e bën këtë pistë interesante është çmimi i kartonit. Sipas raportimeve, Trabzonspor kërkon të paktën 22 milionë euro për të lejuar largimin e sulmuesit shqiptar.

Reklamë

Muçi po kalon një sezon pozitiv në Turqi, ku në 10 ndeshje kampionati ka regjistruar 3 gola dhe 6 asistime.

Megjithatë, pretendimi për interesimin e Romës është kundërshtuar nga raportime të tjera në mediat shqiptare. Për momentin nuk ka ofertë zyrtare apo konfirmim nga klubi italian.

Një transferim në Serie A do të ishte një tjetër hap i rëndësishëm në karrierën e talentit kuqezi.

Vazhdo të lexosh

Reklamë

Lini një koment

Me respekt — komentet moderohen nga redaksia.
Nuk publikohet kurrë.