Analisti Martin Leka, i ftuar në studion e Quo Vadis të moderatores Pranvera Borakaj, ka analizuar protestën e opozitës një ditë më parë.
Leka tha se protesta zhgënjeu dhe tregoi se nuk prodhon as frymë e as aksion.
Pjesë nga biseda:
Borakaj: Çfarë ju ngeli nga protesta e djeshme e opozitës?
Leka: E kam të vështirë të perifrazoj disa që thonin foltore, revoltore etj. Për mua ishte zhgënjim i madh.
Borakaj: Pse?
Leka: Sepse unë prisja nga opozita njerëz që të mund të ndryshojnë regjimin. Regjimi i çdo lloji qoftë nuk mund të ndryshojë pa njerëz, pa frymë. Po të vijoj me disa figura, dikush mund të kishte pasur kaq veta në dasmë.
Borakaj: Nga Shkodra?
Leka: Nga Shkodra, nga Lezha.
Çollaku: Dasma e Veliajt në Kala.
Leka: Po. Madje Veliaj pati shumë më tepër. Partitë tona janë pa ide, pa projekte e pa aksione. Opozitës tonë i takon të jetë opozitë me aksion, me alternativa, me ide. Kemi 13 vjet që themi që me Ramën nuk bëjmë zgjedhje, ndërsa hyjmë në zgjedhje dhe humbasim, pastaj jemi te fakti që të dyja partitë janë në një komision për ndryshimin e Reformës Territoriale, por edhe për atë zgjedhore. Dhe do bëjnë atë që të kemi vetëm 2 parti në vend.
