Prodhim lëndësh narkotike, pranga 26 vjeçarit nën hetim bashkëpuntorët

Një 26 vjeçar i akuzuar për prodhim lëndësh narkotike është vënë në prangat e policisë së Elbasanit dhe katër të tjerë janë proceduar penalisht.

26 vjeçari F.D., banues në fshatin Kuqan, arrestimi i tij u bë pasi gjatë kontrollit fizik të ushtruar nga shërbimet e Policisë,  iu gjetën dhe sekuestruan në cilësinë e provës materiale  8 doza lëndë narkotike e dyshuar të llojit Cannabis Sattiva.

Gjithashtu për moskallzim të krimit janë proceduar penalisht A.L., 29 vjeç, A.B., 26 vjeç, E.G., 29 vjeç, dhe EM., 19 vjeç,  të katërt shtetasit banues në Elbasan.