Ish-ministri i Brendshëm Saimir Tahiri është shpallur fajtor për shpërdorim detyre, por i pafajshëm për trafik droge dhe favorizim të grupeve kriniale.
Ky ka qenë vendimi i Gjykatës së Shkallës së Parë të Krimeve të Rënda mbrëmjen e te enjtes, e cila e ka dënuar me 5 vite burg ish ministrin, por për shkak të gjykimit të shkurtuar dënimi i tij konvertohet në 3 vite e 4 muaj heqje lirie.
Por pavarsisht ketij vendimi Tahiri nuk do të shkojë asnjë ditë në qeli, pasi me rikulifikimin e veprës dënimi kovertohet në 3 vjet shërbim prove.
Pas një seance maratonë e cila ka nisur që në orët e para të mëngjesit, dhe prej orës 16 ku pritej vendimi final ish ministri ka dalë i buzëqeshur përpara mediave ndersa e ka quajtur qesharak vendimin e togave te zeza.
“Gjykata më tha se nuk jam kriminel, nuk jam trafikant por meqë disa kushërinj të mi kanë përdorur emrin tim kam shpërdoruar detyrën. As nuk qesh dot, as nuk qaj dot. Nesër do ju ftoj të ndajmë bashkë ca mendime”.
Ish ministri Tahiri ripërsëriti se eshte i vendosur per te marre pafajesine dhe se betejen do ta vazhdoje në Apel.
“Sigurisht që do ta apeloj. Një vendim qesharak. Do të ishte shumë më fisnike ta kishin bërë si burrat dhe të më dënonin për trafik. Isha më i qartë kur hyra sesa tani kur dola. Më duhet ta kuptoj të gjithën. Është si të shkosh në një provim, mësuesja të thotë që ke mësuar shumë mirë por hajt po të vë një 5.”
Nderkohe per ish drejtorin e policise se Vlorës Jaeld Cela gjykata e Krimeve të Rënda vendosi dënimin me 3 vjet burg po për akuzën e shpërdorimit të detyrës.
Prokuroria kërkoi më herët dënimin e Saimir Tahirit me 12 vite burg, duke e akuzuar për tre vepra të rënda penale “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”, në kuadër të dosjes ‘Habilaj’.
