Dy persona që mashtronin, duke u prezantuar si punonjës të Shërbimit Informativ Shtetëror, kane përfunduar ne prangat e policisë. Ata janë Alfred Kallmi 41 vjeç dhe Antonio Toska 24, banues ne Berat. Te shtirur si punonjës te zyrës qendrore investigative në Tiranë, dy personat me një makinë tip “Benz” po ndiqnin nje automjet te drejtuar nga nje 30-vjeçar me inicialet F.F Banues ne Durrës. Ngjarja ndodhi në aksin Berat-Ura Vajgurore dhe pranë Moraves ata i kane kërkuar 30-vjeçarit te ndaloje. Ky i fundit lajmëroi menjëherë policinë per ndjekjen, dhe forcat e rendit kane ndërhyrë, duke arrestuar personat që pretendonin se ishin agjentë të Shërbimit Informativ. Alfred Kallmi dhe Antonio Toska ishin te pajisur me kartat përkatëse, me te cilat prezantoheshin si punonjës të zyrës qendrore investigative. Policia i sekuestroi këto dokumente bashke me makinën dhe materialet i kaluan Prokurorisë së rrethit gjyqësor Berat. Dy te arrestuarit akuzohen për veprën penale “Përvetësim të titullit apo të detyrave shtetërore”.

Leave a Reply

Your email address will not be published. Required fields are marked *