Policia kontrolle në rrugë, 38 persona të ndalur

Pas ngjarjeve të rënda që tronditën vendin ne ditët e para të janarit, policia e shtetit ka nisur kontrollet për kapjen dhe arrestimin e personave me precedent penal dhe te atyre qe mbajnë armë pa leje. Ne fokus te punës se uniformave blu është verifikimi dhe ndjekja konflikteve të dhunës ne familje si dhe monitorimi e me pas ndalimi i shkelësve të kodit rrugor. Vetëm në 24 orët e fundit, në të gjithë vendin janë ndaluar 38 persona për vepra të ndryshme penale. Ndërkohë, policia rrugore ka vendosur 1698 masa administrative për shkelje të ndryshme të kodit rrugor dhe janë pezulluar 8 leje drejtimi. Gjithashtu, 53 persona janë shoqëruar për verifikime të ndryshme. Burime zyrtare bëjnë me dije se këto kontrolle, do të vazhdojë edhe në ditët e ardhshme, për të parandaluar ngjarje të tjera kriminale.