Partia Demorkatike ka vijaur të këmbëngulë se kryebashkiaku i Durrësit Vangjush Dako duhet të arrestohet.
Në një dalje për mediat deputetja e PD, Dhurata Çupi deklaroi se prokuroria hesht prej 3 javësh në mbrojtje të krimit elektoral të Vangjush Dakos.
Sipas Çupit është e faktuar se Dako ka blerë vota me bandat dhe i ka shpërblyer ato për fuqizimin ekonomik të tyre.
“Po bëhen tre javë që shqiptarët kanë parë provat e përfshirjes së Vangjush Dakos në krimin e blerjes së votave bashkë me bandat, por nga prokuroria ka vetëm heshtje. Nën urdhrat politikë të Edi Ramës, Prokuroria e Krimeve të Rënda, nuk po e heton Vangjush Dakon, megjithëse është provuar publikisht se ai ka gënjyer për miqësinë dhe shkëmbimin e favoreve me bandën e Avdylajve. Vangjush Dako ka qindra faqe përgjime me bandat në Durrës, të cilat prokuroria i disponon, por i fsheh, që të mos bëhen publike pazaret e Kryetarit të Bashkisë së Durrësit për blerjen e votave, në këmbim të favoreve, lejeve, punësimeve, tenderave, pasurive publike të Durrësit.”
Çupi I kërkoi prokurorisë që t’u thotë shqiptarëve pse nuk po e heton Vangjush Dakon dhe se kush ka bllokuar arrestimin e kryetarit të Bashkisë së Durrësit.
Sipas deputetes së PD, Vangjush Dako duhet të arrestohet për krimin elektoral të blerjes së votave pasi faktet janë të pasqyruara në dosjen 339.
