PD, debat për zgjedhjet në Dibër

Humbja e zgjedhjeve ne Dibër është shoqëruar me debate te ashpra ne mbledhjen e grupit parlamentar demokrat. Ndryshe nga qëndrimi zyrtar i PD, deputetet e kane vene theksin tek gabimet qe beri vete PD. Deputeti eduard selami ka vene ne dukje se ky rezultat erdhi si pasoje e gabimeve te PD dhe duhet analize e pastër per humbjen, duke ngritur pyetjen pse u shkua ne zgjedhje me aleate qe kane qene kundër PD dhe Berishës. Mësohet se Selami ka thëne se Partia Demokratike nuk është prone personale e Lulzim Bashes, por pasuri kombëtare. Po aq e ashpër ka qene deputetja Majlinda Bregu, e cila ka ngritur disa probleme. “Si ka mundësi qe nuk shtuam asnjë vote. Si ka mundësi qe gjithë ai përqendrim atje nuk shtoi një vote. Nuk behet dasma me krushq. Krushqit përcillen me gëzim. Do vazhdojmë te themi na vranë na vodhën. Ky është fatalizëm dhe jo shprese.” mësohet te ketë thëne Bregu. Bregu ka vene ne dukje se dhe ne 2015, deputetet u shmangen nga fushata e kete here vete Bregu shkoi me Dibër, por PD e hoqi nga kronikat e lajmeve, si dikur Mehmet Shehun. Bregu është ndalur edhe tek aleancat, duke deklaruar se nuk mund të presim të na shkelë syrin LSI e as të na beje fushata Kreshniku. Sipas bregut degët e partisë janë ne bjerrje totale pasi ne 3 vjet bëjnë vetëm zgjedhje dhe janë te përçare e te pamotivuar. Te njëjtën linje ka mbajtur edhe Arben Imami, i cili ka deklaruar se nuk shkoi ne Dibër, pasi e dinte qe nuk po veprohej drejt. Ndërkohe qe Roland Keta ka kërkuar largimin e sekretarit organizativ, sepse është arrogant.