Ky është çmimi që po negociohet në radhët e mbështetësve të Lëvizjes Socialiste për Integrim për blerjen e votave.
Video e publikuar në rrjetet sociale tregon bisedat e mirëorganizuara nga Edison Babo, një prej njerëzve të shtabit elektoral të kandidatit të LSI, Etjon Joka, për të siguruar dhjetëra vota në këmbim të një shume të caktuar parash.
Gjatë bisedës përmendet edhe kryetarja e Lëvizjes Socialiste për Integrim, Monika Kryemadhi.
Në këtë bashkëbisedim dëgjohet disa herë emri i kandidatit të LSI-së në Tiranë, Etjon Joka, i 26-ti në listë.
Policia e Shtetit ka nisur hetimet për të zbardhur ngjarjen, ndërsa kandidati Joka është shprehur se gjithçka është e sajuar dhe e montuar.
