Marjana Semini do të jetë anëtarja e re e gjykatës kushtetuese. Në fund të seancës maratonë që zgjati dy ditë, asnjë prej 3 kandidatëve për kushtetuesen; Marjana Semini, Ardian Dvorani dhe Arta Vorpsi nuk arritën të merrnin 84 votat e nevojshme, por Semini do të shkojë në gjykatë për shkak se ka vlerësimin më të lartë profesional.
E gjithë opozita përveç deputetëve të Partisë së Lirisë, vendosën të bojkotojnë procesin e votimit, duke e cilësuar të papranueshme kandidaturën e Ardian Dvoranit.
Seanca u shoqërua me tensione pasi deputeti demokrat Gazment Bardhi akuzoi mazhorancën se po ushtron presion mbi deputetet e opozitës për të votuar Dvoranin
GAZMENT BARDHI
DEPUTET, PD
“Drejtuesit më të lartë të grupit tënd parlamentar, jo vetëm kanë kërkuar votë për Ardian Dvoranin, por kanë angazhuar mafiozë dhe oligarkë
Debati mes kryeministrit Edi Rama dhe deputetit Bardhi është shoqëruar me fyerje personale dhe drejtuesja e seancës ka përjashtuar deputetin demokrat.
“Rama-Palaco
Bardhi-Mafioz”
Nga ana tjetër, mazhoranca rrëzoi dy kandidaturat e opozitës për avokat populli. Kandidaturën e Altin Goxhajt që kishte mbështetjen e deputetëve të Berishës, Partia Socialiste e kishte bërë të qartë se nuk do ta votonte. Por kryeministri Rama deklaroi në seancë se nuk e pranon kandidatin e grupit Alibeaj, Ledio Braho.
Edi Rama
“Ne nuk duam të imponojmë, por ju nuk mund të na kërkoni të votojmë avokatin e PD, avokatin e PD ta bëjmë avokat të popullit.”
Kjo ishte seanca e fundit për këtë vit dhe parlamenti do të rifillojë punimet në 16 janar.
