Kryetarja në detyrë e Gjykatës Kushtetuese, Vitore Tusha është paraqitur këtë të premte në prokurori lidhur me kallëzimin penal që Presidenti Meta ka bërë ndaj kreut të KED, Ardian Dvorani.
Vizion Plus mëson se Vitore Tusha ka dhënë shpejgime në lidhje me mbledhjet e Këshillit të Emërimeve në Drejtësi.
Ndërkohë pritet që nga ana tjetër organi i akuzës të sekuestrojë edhe procesverbalet e mbledhjeve ndërsa do të paraqiten për të dëshmuar edhe anëtarët e KED.
Presidenti Meta ka ngritur akuzë ndaj Dvoranit për “shpërdorim detyre” dhe “përvetësim të kompetencave” në lidhje me çështjen e emërimeve në Gjykatën Kushteteuse.
Sipas Metës, Dvorani ka ndikuar që Kuvendit dhe Presidencës t’I paraqiten të njëjtët kandidat me qëllim që mazhoranca të ketë kontrollin e Kushtetueses.
