“Oriku” shpëton emigrantët, u erdhi në ndihmë 115 sirianëve  

Ekuipazhi i anijes “Oriku”, pjesë e forcës detare me mision në detin Egje ka shpëtuar pak orë më parë gjatë patrullimit jetën e 115 emigrantëve nga Siria. Në një postim në rrjetin social facebook ministrja e mbrojtjes Olta Xhacka lajmëroi se në dy operacione të njëpasnjëshme gjatë orëve të fundit, ekuipazhi i anijes sinjalizoi dhe ndërhyri për t’i ardhur në ndihmë 115 sirianëve, 45 prej të cilëve fëmijë. Një muaj më parë e njëjta anije shpëtoi 53 emigrantë të tjerë sirianë.