“WhatsApp” ka njoftuar se të paktën për momentin, nuk do të ketë kufizime pë rata që nuk i kanë pranuar rregullat e reja të privatësisë.
Ato hynë në fuqi më 15 maj dhe për përdoruesit që nuk i pranuan, kompania kishte planifikuar kufizime përdorimin e funksioneve të caktuara, përfshirë mesazhet dhe telefonatat.
Por duket se tani “WhatsApp” ka vendosur të ndryshojë qasje.
“Duke pasur parasysh diskutimet e fundit me autoritete të ndryshme dhe ekspertë të privatësisë, ne duam të sqarojmë se aktualisht nuk kemi plane për të kufizuar funksionalitetin për ata që nuk e kanë pranuar ende përditësimin. Në vend të kësaj, ne do të vazhdojmë t’u kujtojmë kohë pas kohe përdoruesve se duhet të bëjnë përditësimin”, ka shpjeguar “WhatsApp”.
