I gjithë rajoni juglindor i Korçës, vuan ku më shumë e ku më pak një sezon dimri të ashpër që ndodhet në kulmin e tij. Reshjet e shumta të dëborës, të shëndruara në ngrica tashmë e kanë vështirësuar së tepërmi qarkullimin e mjeteve dhe levizjen e këmbësorëve.
Nuk ka të dhëna zyrtare, dhe ato paraqiten kontradiktore kur flitet për persona që kanë pësuar fraktura nga rrëshqitjet në akull nepër rrugët e qyteteve të juglindjes.
Qytetarë të lënduar ka në Korçë, Kolonjë, por nuk përjashtohen edhe rrethet e Pogradecit apo Devollit, ndonëse nuk jepen tregues se sa persona e kanë pësuar fraktura gjatë ketyre dirëve me situatë të rënduar dimri.
Ana tjetër e medaljes është reagimi i pakët i bashkive për të normalizuar situatën. Nga mos ndërhyrja në kohë në rrugë, rrugica e trotuare çdo gjë i është lënë pushtetit të akullit nëpër rrugë.
Grupe puntorësh në varësi të bashkive Pogradec dhe Korçë, ashtu siç duken nga fotot, bëjnë përpjekje të shkallmojnë dhe pastrojnë akullin e rrezikshëm rrugëve. Sa arijnë t’ja dalin në këtë mision, e tregon prezenca e akullit nëpër rrugë.
Gjatë këtyre ditëve burime të siguruara thanë se në spitalin e Korçës janë paraqitur deri tani 14 përsona me fraktura në Pogradec çdo ditë ka nga tre raste, ndërsa në Ersekë 11 raste.
