Një histori e cuditshme krimi vjen nga Shkodra. Policia vuri në pranga 6 persona dhe procedoi penalisht një tjetër pasi kanë qënë protagonist të vjedhjes së një automjeti. Jo vetëm kaq, por ata I kanë marrë një sasi tjetër pareash pronarit të makinës, një shtetasi 30 vjec me premtim se do tia gjenin mjetin.Personat e arrestuar, me precedent penal të mëparshëm dhe të dyshuar edhe për disa vjedhje të tjera të ndodhura në qytetin e Shkodrës.
– S. G., 26 vjeç, banues në fshatin Dragoç, Shkodër, i dënuar më parë për veprën penale “Trafik klandestinësh”;
– L. N., 36 vjeç, banues në fshatin Dajç, Lezhë, i dënuar më parë për veprën penale “Kallëzim i rremë”;
– G. T., 25 vjeç, banues në lagjen ”1 Maji”, Shkodër, i dënuar më parë për veprat penale “Përndjekja” dhe “Vjedhja”;
– V. B., 31 vjeç, banues lagjen ”10 Korriku”, Shkodër, i dënuar më parë për veprën penale “Falsifikimi i letërnjoftimeve, i pasaportave ose i vizave”;
– S. H., 40 vjeç, banues në lagjen “Partizani”, Shkodër;
– F. H., 46 vjeç, banues në fshatin Boriç i Madh, Malësi e Madhe.
Në fshatin Mes, Njësia Administrative Postribë, në bashkëpunim me njëri-tjetrin i kanë vjedhur automjetin shtetasit E. B., 30 vjeç, banues në fshatin Mes, dhe më pas, me anë të mashtrimit, i kanë marrë edhe një sasi parash, duke i premtuar se do t’i gjenin automjetin që i kishin vjedhur.
Për këtë ngjarje u procedua dhe ndiqet në gjendje të lirë shtetasi L. N., 46 vjeç, pronar i një servisi.
Gjatë kontrollit në banesat e shtetasve të arrestuar, Policia gjeti dhe sekuestroi në cilësinë e provës materiale 1 motomjet, 1 automjet, 50.000 lekë dhe 5 aparate cellular ndërsa mjeti “Mercedez Benz” nuk është gjetur ende.
