Ekipet e shpëtimit në Nepal kanë nxjerrë të gjallë dy punëtorë nga një tunel në kompleksin hidroenergjetik Trisuli-3, disa ditë pasi përmbytjet vdekjeprurëse goditën vendin. Punëtorët Sanjay Shah dhe Kabir Maharjan u nxorën në barela nga ekipet e shpëtimit, ndërsa operacioni po zhvillohej me ndihmën e specialistëve nga India, Kina dhe Koreja e Jugut.
Ekipet kanë punuar pa ndërprerje për rreth një javë në tunele të mbushura me ujë, baltë dhe mbeturina, ku dyshohet se janë bllokuar qindra punëtorë. Për hapjen e rrugës drejt tuneleve janë përdorur mjete të rënda dhe, në disa raste, edhe eksplozivë. Autoritetet fillimisht kishin vlerësuar se rreth 100 punëtorë mund të ishin bllokuar vetëm në tunelin Trisuli-3.
#WATCH | Nepal | Rescue workers rescue one person from inside the tunnel of the Trishuli 3A hydel project
Video source: Secretariat of the Ministry of Energy, Water Resources and Irrigation, Govt of Nepal pic.twitter.com/tNZTMoWgIp
— ANI (@ANI) September 4, 2026
Përmbytjet dhe rrëshqitjet e mëdha të dheut goditën zonat veriore të Nepalit pranë kufirit me Kinën, duke shkaktuar një katastrofë të rëndë. Sipas bilancit më të fundit zyrtar, të paktën 1.280 persona kanë humbur jetën dhe më shumë se 5.600 të tjerë rezultojnë të zhdukur. Mes tyre janë mbi 900 punonjës dhe punëtorë të impianteve hidroenergjetike.
#WATCH | Nepal | Rescue workers rescue one person from inside the tunnel of the Trishuli 3A hydel project
Video source: Nepali Army pic.twitter.com/H73CLoPhL5
— ANI (@ANI) September 4, 2026
Dy të mbijetuarit pritet të transportohen në një spital në kryeqytetin Kathmandu për trajtim mjekësor. Vëllai i njërit prej tyre, Amir Maharjan, shprehu gëzimin për shpëtimin, ndërsa tha se i afërmi i tij deri tani nuk mund të lëvizë gjymtyrët. Eksperti australian i operacioneve të shpëtimit në thellësi, Arnold Dix, deklaroi se ekipet kishin arritur për herë të parë të komunikonin me persona të mbijetuar brenda tuneleve.
