Athina zyrtare shpreson që të nisë së shpejti bisedimet me Tiranën Zyrtare për Kufirin Detar. Ministri i jashtëm Nikos Dendias, duke folur për mediat greke mbi statusin e diskutimeve për përcaktimin e kufinjve të shelfit kontinental kërkon zgjidhjen sa më shpejtë të kësaj çësthjeje.
NIKOS DENDIAS
MINISTER I JASHTEM, GREQI
“Zgjedhja e Greqisë është caktimi i kufijve të shelfit kontinental në bazë të Ligjit Ndërkombëtar, me të gjitha vendet fqinje. Pra, me Shqipërinë, ne duam ta zgjidhim këtë çështje të prapambetur sa më shpejt që të jetë e mundur. Siç deklarova kohët e fundit në Parlament, në debatin për ratifikimin e marrëveshjeve të demarkacionit detar me Italinë dhe Egjiptin, shpresoj që hapi tjetër të jetë nënshkrimi i një marrëveshjeje me Shqipërinë.”
Ministri grek i kujton Tiranës perspektivën evropiane, ku fillimisht duhet të mbyllen sa më parë të gjitha çështjet e hapura.
NIKOS DENDIAS
MINISTER I JASHTEM, GREQI
“Më lejoni t’ju kujtoj se ne kishim nënshkruar një marrëveshje në vitin 2009, por ajo nuk vazhdoi për arsyet e njohura. Shpresoj që së shpejti të jemi në gjendje të kapim përsëri fillin e bisedimeve dhe të arrijmë një rezultat që të kënaqë të dy palët. Eshtë e rëndësishme, në kontekstin e marrëdhënieve të fqinjësisë së mirë dhe duke pasur parasysh perspektivën evropiane të vendit tonë fqinj, të mbyllim të gjitha çështjet e hapura.”
Ministri grek ka folur edhe për tensionet mes Athinës e Ankarasë, mbi kërkimet në det për naftë dhe gaz duke i lënë afat Turqisë për tërheqje deri në muajin dhjetor, në të kundërt BE do të ndërmarrë parasysh vendosjen e sanksioneve.
