Meta në Fierzë, festë për nxënësit e Shkollës 9-vjeçare

Ndalesën e parë të vizitave në rrethin e Tropojës, presidenti Meta e bëri në fshatin Fierzë, ku mori pjesë në ceremoninë e inagurimit të rikonstruksionit të shkollës 9-vjeçare “Matosh Uka”.

Në këtë aktivitet ishin të pranishëm kryetari i Bashkisë së Tropojës, Besnik Dushaj, ambasadori i Japonisë në Shqipëri, Makoto Ito dhe përfaqësues të pushtetit vendor.

Ndihem shumë i lumtur të marr pjesë në ceremoninë e rikonstruksionit të shkollës 9-vjeçare ‘Matosh Uka’ në Fierzë të Tropojës, që falë bujarisë së qeverisë japoneze dhe kompanisë së Sigurimeve SIGAL, ka sot kushte plotësisht moderne.Me urimin për një vit të mbarë shkollor, jam besimplotë se këta nxënës të mrekullueshëm, duke ndjekur ëndrrat e tyre, do të jenë nesër elita intelektuale e vendit,  ashtu si shumë prej të parëve të tyre që ndër vite i kanë dhënë krenari Tropojës dhe Shqipërisë.”.

Ky investim në këtë shkollë u realizua falë fondeve të Qeverisë Japoneze dhe Kompanisë së Sigurimeve SIGAL.