I akuzuar për planifikimin e një vrasjeje dhe pjesëmarrje në grup të strukturuar kriminal, ekstradohet nga Gjermania i shumëkërkuari nga SPAK (EMRI)

Është ekstraduar ditën e sotme nga Gjermania në Shqipëri Ardit Gjokrosa, i cili akuzohet nga drejtësia shqiptare për kryerjen e një sërë veprash penale.

Gjokrosa akuzohet për “Sigurimi i kushteve dhe i mjeteve materiale për të kryer vrasje”, në dëm të shtetasit Hamza Terziu, për pjesëmarrje në grup të strukturuar kriminal, si dhe për “Kryerja e veprave penale nga organizata kriminale dhe grupi i strukturuar kriminal”.

Njoftimi:

Ekstradohet nga Gjermania Ardit Gjokrosa, i akuzuar për kryerjen e veprave penale:

“Sigurimi i kushteve dhe i mjeteve materiale për të kryer vrasje”, në dëm të shtetasit, Hamza Terziu, kryer në bashkëpunim të veçantë, atë të grupit të strukturuar kriminal, parashikuar nga nenet 80 e 28/4 të Kodit Penal;

“Grup i strukturuar kriminal”, në formën e pjesëmarrjes, parashikuar nga neni 333/a, paragrafi 2-të i Kodit Penal;

“Kryerja e veprave penale nga organizata kriminale dhe grupi i strukturuar kriminal”, të parashikuar nga neni 334 pika 1 i Kodit Penal.