Bota po bëhet shumë e rrezikshme, por Rusia nuk dëshiron të përfshihet në një konflikt global, tha Dmitry Medvedev, zëvendëskryetari i Këshillit të Sigurisë së Rusisë.
Medvedev vlerësoi Donald Trump dhe e quajti inkurajuese rifillimin e kontakteve me Uashingtonin, ndërsa tha se Perëndimi i ka injoruar vazhdimisht interesat ruse.
“Situata është shumë e rrezikshme. Pragu i tolerancës ndaj dhimbjes po ulet”, i tha ai Reuters.
“Ne nuk jemi të interesuar për një konflikt global. Ne nuk jemi të çmendur. E kemi thënë njëqind herë. Kush ka nevojë për një konflikt global? Por, fatkeqësisht, një konflikt global nuk mund të përjashtohet”, tha ai.
JUST IN: 🇷🇺 Russia’s Dmitry Medvedev says Europe is run by a gang of lunatics. pic.twitter.com/Eni0niENV9
— BRICS News (@BRICSinfo) February 1, 2026
Një karikaturë në murin e dhomës ku u dha intervista tregon Medvedevin, një ish-avokat nga qyteti i lindjes së Putinit, Shën Petersburg, duke drejtuar një mitraloz drejt udhëheqësve evropianë.
“Do të përdorim armë bërthamore nëse fati i vendit është në rrezik”
Armët bërthamore janë jashtëzakonisht të rrezikshme, por nëse fati i vendit është në lojë, askush nuk duhet të ketë dyshime se Rusia do t’i përdorë ato, tha Medvedev.
I pyetur nëse Rusia ka diskutuar ndonjëherë mundësinë e përdorimit të armëve bërthamore në Ukrainë, zyrtari rus u përgjigj se vendi vepron në përputhje të plotë me doktrinën e saj bërthamore, e cila përcakton të gjitha rastet në të cilat përdorimi i armëve bërthamore është i lejueshëm.
“Është e qartë se armët bërthamore janë armë bërthamore. Këto janë armë jashtëzakonisht, jashtëzakonisht të rrezikshme për të gjithë njerëzimin. Por në të njëjtën kohë, siç është thënë shumë herë, kur bëhet fjalë për fatin e vendit, askush nuk duhet të ketë dyshime”, theksoi Medvedev.
Moska nuk do të pranojë vendosjen e trupave të NATO-s në Ukrainë
Medvedev tha se propozimi i fuqive evropiane për të vendosur trupa të NATO-s në Ukrainë si pjesë e garancive të sigurisë dhe një marrëveshjeje paqeje është i papranueshëm, sipas Rusisë.
“Për çfarë lloj garancie mund të flasim nëse forca ushtarake nga shtete anëtare armiqësore të NATO-s vendosen në territorin e një vendi të tillë”, pyeti ai në intervistë.
Medvedev tha se kushtet e Moskës për t’i dhënë fund luftës nuk kanë ndryshuar që nga viti 2024, të cilat i njoftoi Presidenti Vladimir Putin në një fjalim në Ministrinë e Jashtme.
