“San Nicolas” për 3 apo 4 vite mund të krahasohet me jugun e Italisë dhe të Francës.
Kështu është shprehur Erjon Harizi, projekt menaxher i “San Nicolas”, një tjetër investim i grupit “Concord Investment” në turizmin elitar.
Resorti I mrekullueshëm në Palasë, një nga zonat më të bukura të Rivieres shqiptare pritet të mbarojë plotësisht në vitin 2024.
“Ne jemi në fazën e 50% të punimeve. Pothuajse kemi përfunduar 90% të fazës së parë që janë karabinatë. Ne jemi besimplotë se për sezonin që vjen më shumë se gjysma e fshatit hyn në efektivitet. Gjithashtu në fazën e dytë që është duke u zhvilluar akoma, ne kemi afat që në vitin 2024 ky projekt të ketë përfunduar. Ne po ecim me ritmet e kohës, pasi dhe kërkesa këtu nga klientët është shumë e madhe. 50% e klientelës që ne kemi janë klientelë e huaj e diasporës.
Menaxheri i projektit të “San Nicolas” në Palasë shtoi se 80% e siperfaqëes së ndërtimit tashmë është shitur. Ai tha për “Quo Vadis se pjesa më e madhe e klientelës është e huaj, dhe blerësit sipas tij, magjinë e “San Nicolas” nuk e shohin vetëm si pushime për 1 vit, por investim për jetën e tyre.
Në këtë 1 vit nga fillimi i punimeve ne kemi shitur mbi 80% të sipërfaqes së ndërtimit, pasi shumë persona, biznese këtë gjë nuk e shohin si një apartament për të pushuar një vit, por si një investim.Vetë koha e ka treguar që nga momenti i fillimit e deri më sot vlera është dyfishuar dhe veç kënaqësisë dhe pushimeve të mrekullueshme është një mundësi shumë e mirë investimi Kjo është vetëm faza e parë e investimeve të “San Nicolas” . Në fazën e dytë ne jemi duke bërë projektin për të ndërtuar rreth 100 mijë metra të tjerë katrorë po në zonën ku po operojmë sot. Për 3-4 vite kjo zonë mund të krahasohet me jugun e Italisë ose Francës, sepse kjo zonë është më e mirë se këto që përmenda”.
