Burg drejtorit të tatimeve

Gjykata e Tiranës lë në burg drejtorin e tatimeve të kryeqytet Adrokli kokthi. Me pranga në duar, ai u paraqit këtë të shtunë para trupit gjykues për masën sigurisë, e cila u zhvillua me dyert të mbyllura. Gjyqtarja e çështjes, Arjana Caco, e çmoi të vlefshme kërkesën e organit të akuzës, për ta mbajtur në qeli 40-vjeçarin Kokthi, pasi ky i fundit dyshohet se ka abuzuar me detyrën në të paktën katër raste. Vetë i pandehuri nuk i ka pranuar akuzuat, duke thënë se ka zbatuar vetëm ligjin. Në përfundim të seancës gjyqësore, avokati, Maks Haxhia, theksoi se, klienti i tij nuk duhet të qëndrojë pas hekurave, pasi nuk përbën rrezikshmëri shoqërore. Hetimet, sipas prokurores Elsa Miha, ka nisur në janar të 2015, teksa Kokthi kishte sekuestruar mallin e një biznesi me vlere 4 milion lekë. Por me vonë, drejtori i tatimeve kishte zhbllokuar mallin, duke mos respektuar procedurat ligjore. Sipas hetuesve, ky veprim është bere kundrejt përfitimeve te shumave te mëdha te parave, duke shpërdoruar detyrën.