Për herë të parë pas 3 dekadash, të djathtët në Shkodër përkujtojnë demostratën e 13 dhjetorit 1990, si opozitë në pushtetin vendor. Një prej ngjarjeve më të rëndësishme të kohës, kur një grup shkodranësh mposhtën frikën dhe rrëzuan bustin e diktatorit Enver Hoxha të vendosur përpara ish komitetit të partisë, i bëri bashkë përfaqësuesit e kësaj shoqate dhe demokratët e këtij qyteti.
Shumë prej protagonistëve të asaj date sot nuk jetojnë më, apo janë të shpërndarë nëpër botë.
“Ata nuk kërkuan privilegje për vete shumë prej tyre morën rrugë e botes. Ata që jetuan këtu jetuan të zhgënjyer”, tha Ervin Gjini, drejtues i shoqatës “13 dhjetori”.
Deputetja demokrate Greta Bardeli dhe pjesëmarrës të tjerë dënuan shfaqjen e simboleve komuniste në vend.
“Të gjithë të rinjtë e Shkodrës u ulën në këtë shesh për ta hedhur poshtë simbolikat e enverizmit të cilat fatkeqëisht pas 33 vjetësh i gjejmë të fuqishme edhe sot”, tha Gerta Bardeli, deputete e PD.
Demonstrata e 13 dhjetorit filloi tek Gjimnazi “Jordan Misja”, duke iu bashkuar studentet e te rinj të tjerë. Ata marshuan bashkërisht në qendër të qytetit, ku rrëzuan bustin e diktatorit. Për ngjarjen e 13 dhjetorit u ndaluan 78 persona, prej të cilëve 42 u arrestuan./vizionplus.tv/
