Kryetari i Këshillit të Lartë të Prokurorisë, Gent Ibrahimi, pas mbledhjes së KLP është shprehur se shpreson që Kuvendi të mbajë parasysh renditjen që ka bërë KLP.
Sipas Ibrahimit kopetencën kushtetuese për përzgjedhjen e kandidatit e ka Kuvendi, ku shpreson që të marrë parasysh vendimin e KLP.
“Kuvendi ka kompetencën kushtetuese që të zgjedhë secilin nga 3 kandidatët edhe të tretin në rast se e dëshiron Kuvendi. Unë besoj se në frymën e reformës e cila i mëshon meritokracisë dhe depoloitizimit do të votojë atë që ne renditëm të parin. Ligji parashikon që Prokurorin e Përgjithshëm e zgjedh parlamenti jo KLP në këto kushte ligji është ai që duhet mbajtur parasysh, Ne pa dyshim që do të bashkëpunojmë po aq mirë me secilin prej tyre. Ata janë të vlefshëm. Shpresojmë që kuvendi do ndjekë logjikën tonë sepse ne ata që i vlerësojmë nga ana profesionale. Kuvendi ka marzhin politik.”
