Kritikat nga vendasit, Absolut Vodka ndalon eksportet në Rusi
Marka suedeze e vodkës Absolut Vodka do të ndalojë sërish eksportin në Rusi.
Eksportet e vodkës ishin pezulluar kur filloi lufta, por marka rinovoi eksportet në fund të vitit të kaluar.
Vendimi për ta bërë këtë shkaktoi reagime të shumta në Suedi, ku prodhohet pija alkoolike.
CEO i Absolut, Stephanie Durroux, tha në një deklaratë të martën se reagimi gjatë ditëve të fundit reflekton qartë rolin që Absolut luan për komunitetin e tij të gjerë në Suedi, prandaj Absolut Company ka vendosur të ndalojë eksportin e markës së saj në Rusi.
Durroux tha që që nga marsi 2022, në përputhje me sanksionet ndërkombëtare dhe kufizimet ligjore lokale, aktiviteti në Rusi është reduktuar fuqishëm dhe investimet e marketingut janë ndalur.
Duke siguruar qëndrueshmërinë ekonomike të filialit të saj të shpërndarjes përmes furnizimit të kufizuar, Pernod Ricard ka qenë në gjendje të mbrojë ekipin e tij lokal nga çdo përgjegjësi penale lokale, në lidhje me falimentimin e qëllimshëm në veçanti.
