Korçë aksidentohet i riu

Një automjet është aksidentuar mbrëmjen e kësaj të hëne në aksin rrugor Korçë-Pogradec. Për pasojë është dëmtuar rëndë një i ri 23-vjeçar.

Nga hetimet e para rezulton se i riu po udhëtonte drejt Pogradecit me shpejtësi, e kjo është bërë shkak që makina të dalë nga rruga e të përmbyset në një parcelë aty pranë.

Në fillim automjeti është përplasur me bordurën anësore të rrugës e më tej është rrotulluar disa herë duke goditur murin rrethues të një banese.

Drejtuesi i mjetit u transportua në spitalin rajonal të Korçës për ndihmë mjekësore, ku edhe ndodhet në gjendje të rëndë shëndetësore.