Kontrolle për kokainë në port; dyshohet për të tjera sasi droge në “Banaking”

Prokurorët dhe agjentët e byrosë kombëtare të hetimit, zhvilluan disa kontrolle për drogë në portin e Durrësit.

Në fokus ishin kontenierët me banane të ardhur nga Ekuadori për llogari të kompanisë “Banaking”, në njërin prej të cilëve  pak ditë më parë u kapën 33.5 kilogramë kokainë.

Agjentët kontrolluan strukturat metalike të kontenierëve si dhe të gjitha arkat me banane. Në aksion janë përdorur skanerët dhe qentë antidrogë.

Prokuroria dyshon se në 84 kontenierët e ardhur nga Amerika Latine, mund të fshihet një tjeter sasi kokaine.

Më herët, në prangat e policisë kanë rënë 3 persona, ndërsa është shpallur në kërkim presidenti i kompanisë, 53-vjeçari Trifon Murataj.