Pavarësisht njoftimit të Drejtorisë Vendore të Kufirit dhe Migrancionet për pezullim të punës nga pala greke pas plotësimit të kuotës se kalimit të 300 emigrantëve, shumë qytetarë vijojnë të qëndrojnë të bllokuar në Kapshticë.
Ata kanë mbërritur në orët e para të mëngjesit të kësaj të diele dhe kërkojnë të lejohen të shkojnë në doganë.
“Jemi shumë keq këtu. Nuk ka as banjë kemi gra e fëmijë nuk kanë ku të kryejnë nevojat personale. Të na lejojnë të shkojmë pranë doganës të presim atje dhe kështu mbajmë edhe radhën. Është turp po futemi ferrave për të kryer nevojat tona personale. Shteti të reagojë po na bllokojnë kot këtu”, thanë disa nga qytetarët.
