Një 24-vjeçare nga Teksasi, e cila u infektua me COVID-19, ka përcjellë një mesazh për të gjithë ata që dyshojnë në ekzistencën e koronavirusit, duke treguar përjetimin e saj.
Paola Castillo kaloi 79 ditë e shtruar në spital, pasi gjendja e saj shëndetësore u përkeqësua, ndërsa në kujdes intensiv qëndroi më shumë se 30 ditë.
“Kam qenë në kontakt me njerëz dhe besoja gjithmonë se do të jem mirë. Asnjëherë nuk e kisha menduar se do të infektohesha. Ndoshta po të kisha vendosur maskën me kohë, asnjëra nga këto nuk do të ndodhnin”, u shpreh Castillo.
