Zv.presidenti i SHBA-së, JD Vance, zhvilloi këtë të premte një takim me kryeministrin e Katarit për të diskutuar negociatat mes Uashingtonit dhe Iranit.
Sipas një zyrtari amerikan, Katari po luan rol kyç si kanal komunikimi mes SHBA-së dhe Iranit në bisedimet për arritjen e një marrëveshjeje që synon t’i japë fund konfliktit në rajon.
Lajmi u raportua fillimisht nga gazetari Barak Ravid i medias Axios.
Më herët gjatë ditës, sekretari amerikan i Shtetit, Marco Rubio, deklaroi se SHBA pret përgjigjen e Iranit ndaj propozimit amerikan për ndalimin e luftës.
“Shpresojmë që përgjigjja të hapë rrugën për negociata serioze”, u shpreh Rubio gjatë një deklarate për mediat në Romë, ku ndodhet për një vizitë zyrtare.
