Një 44 vjeçar i shpallur në kërkim nga drejtësia italiane për trafik të lëndëve narkotike, është vënë në prangat e policisë së Beratit.
Sipas policisë është ndaluar shtetasi që përdorte tre emra, si Gazmir Polovina alias Gazmend Polovina alias Julian Bebri.
44 vjeçari beratas ishte dënuar nga gjykata e Milanos në Itali në Mars të vitit 2013 me 15 vite burg, për kryerjen e veprave penale “Organizat Kriminale” dhe “Trafikim i lëndëve narkotike”.
Informacionet bëjnë me dije se ky shtetas në bashkëpunim me shtetas të tjerë shqiptarë dhe italianë të organizuar si grup kriminal kanë qenë të përfshirë në trafik ndërkombëtar të heroinës dhe kokainës.
