I heshtur, i perlotur dhe me kokën ulur u shfaq para gjykatës 46-vjeçari Blerim Bizgjoni, i akuzuar se ka mbajtur peng dhe ka përdhunuar për dy muaj nje 13 vjecare, shoqen e vajzës së tij.
Në seancën e zhvilluar me dyer të mbyllura, Bizgjoni i mohoi akuzat. Duke mos pushuar për asnjë moment së qari, 46-vjeçari i kërkoi trupit gjykues mëshirë duke pretenduar se nuk kishte kryer marrëdhënie me të miturën.
Ai akuzoi familjarët e 14-vjeçares, se kanë qenë këta të fundit ata që e kanë sajuar të gjithë historinë.
Por pretendime e tij, nuk u morën parasysh nga trupa gjykuese që vendosi 40 ditë arrest me burg. Gajtë kësaj kohe, porkuroria do të bëjë një tjetër ekspertizë mjeko-ligjore për të zbuluar se prej sa kohësh, 46-vjeçari ka abuzuar me vajzën e mitur.
Ndërkohë avokati mbrojtës i Blerim Bizgjonit theksoi se klienti i tij nuk i pranon akuzat.
“Është çështje mjaft sensitive. I dyshuari për përdhunim nuk e pranon fajin. Kjo nuk është çështje për intervistë.”
Ngjarja trondtitëse ndodhi në fshatin Vërdovë në Pogradec, ndërkohë që familjarët e të miturës kanë kërkuar dënimin maksimal për Blerim Bizgjonin.
