Aktivistë të një grupi britanik të quajtur Everyone Hates Elon vendosën një fotografi të princit Andrew në muzeun e Luvrit për të treguar ish-princit “si do të mbahet mend nga publiku” pas arrestimit të tij.
Ngjarja ndodhi të dielën, kur grupi varosi foton në një mur të muzeut. Poshtë fotos ata vendosën edhe një mbishkrim me titullin “Ai po djersitet tani, 2026”. Fotografia tregon princin Andrew në sediljen e pasme të një Range Rover pas daljes nga stacioni i policisë së Norfolk, por shprehia e tij e fytyrës ka bërë që foto të bëjë xhiron e rrjetit.
Në Instagram, grupi publikoi një video ku tregonte momentin e vendosjes së fotos, duke shkruar: “Thonë ‘vareni atë në Luvër’. Dhe kështu vepruam”. Një tjetër video tregon vizitorë duke qeshur dhe duke fotografuar imazhin e njohur. Fotografia u hoq nga stafi i Luvrit vetëm 15 minuta më pas.
View this post on Instagram
“Dëshiruam t’i tregojmë ish-princit Andrew si do të mbahet mend nga publiku, duke vendosur këtë fotografi ikonike të arrestimit të tij në Luvër,” deklaroi grupi për Reuters, duke shtuar: “Shpresojmë që kjo të jetë vetëm fillimi. Drejtësi për të gjithë mbijetuesit e Epstein.”
Grupi **Everyone Hates Elon** shpjegon se misioni i tij është “t’i bezdisë miliarderët me veprime të vogla”. Më parë, ata kishin vendosur posterë në stacionet e autobusëve në Londër me Elon Musk në një Tesla dhe mbishkrimin: “Nga 0 në 1939 në 3 sekonda”.
/vizionplus.tv
