FMN parashikon se ekonomia shqiptare do të rritet me 3.6%, ose 1.4% më shumë se skenari fillestar.
Eksperti i ekonomisë Elvin Meka në një intervistë për edicionin e lajmeve në Vizion Plus u shpreh se ndërtimi dhe real estate kanë pasur një ndikim pozitiv, por ai nuk e sheh këtë sektor si diçka stabël ose afatgjatë.
Meka më tej vlerësoi vendimin e BSH për të mos rritur normën e interest, ndonëse inflancioni vijon të mbetet mbi objektivin e saj prej 3%.
Intervista e plotë:
FMN thotë se rritja pritet të jetë 3.6%, më lartë se parashikimi. Ku bazohet ky tregues dhe sa real është?
Është e qartë që kemi një prirje pozitive sa i takon rritjes ekonomike, që vijnë nga ndërtimi dhe tregu i pasurive të paluajtshme.
Këto do ndikojnë edhe në një rritje më të madhe ekonomike. Duke parë realitetin, rritja është shumë e mirë. Nuk është se shkëlqejmë në tregun europian, por ajo që është më problematike është se cilat janë faktorët e rritjes dhe se sa të qëndrueshëm janë.
A mund të quhen të shëndetshme një rritjet ekonomike që bazohet tek ndërtimi dhe real estate?
Këto sektorë nuk shërbejnë për stabilitet ose për qëndrueshmëri afatgjatë. Nuk mund të garantojnë atë rritje të qëndrueshme ekonomike. Një dorë të mirë dha edhe turizmi.
Çfarë ndikimi ka dhënë sektori i turizmit për shkak të boom-it të turistëve?
Turizmi do plotësojë këtë panoramë të 3.6%. Edhe tregu i pasurive të paluajtshme, kanë hyrë në një cikël më të qetë nuk kemi më ato rritjet e forta.
Kemi edhe inflancionin që po kthehet në normalitet por jo në objektivat e qeverisë. Sa kërcënohemi nga rritja e çmimeve?
Lajmi i mirë nuk është që do rendim shpejt drejt nivelit 3%, por që BSH ka marrë përsipër të ruajë një normë të pandryshuar interesi dhe kjo përbën një lajm të mirë. Inflancioni është një sfidë globale. Për fatin tonë të mirë i vetmi lajm i qëndrueshëm është ajo e BSH për të mos ndryshuar normën e interesit që është një rikthim për bërjen e biznesit në Shqipëri.
