Erdogan kërcënoi Trump? Zbulohen prapaskenat e nënshkrimit të marrëveshjes së paqes
Eksperti i marrëdhënieve ndërkombëtare, Marlind Laçi, ka zbuluar prapaskenat nga marrëveshja e fundit e paqes në Lindjen e Mesme.
Laçi sqaroi se pjesëmarrja e kryeministrit izraelit Benjamin Netanyahu në takim u refuzua nga presidenti turk Recep Tayyip Erdogan.
Ky i fundit, sipas ekspertit ka “kërcënuar” Trump se nëse Netanyahu merrte pjesë, Erdogan nuk do të shkonte.
Pjesë nga biseda:
Laçi: Kjo marrëveshje është e luhatshme për aq kohë sa të dy palët që marrin pjesë në luftime në këtë konflikt pala izraelite dhe pala palestineze, nuk kanë qenë pjesë e marrëveshjes. U diskutua sikur Kryeministri Netanyahu do merrte pjesë në këtë takim për nënshkrimin e marrëveshjes së paqes, por nuk u pranua.
Borakaj: Pse nuk shkoi?
Laçi: Ka pasur një refuzim nga presidenti Erdogan që është shprehur: “Në qoftë se Netanjahu merr pjesë, unë nuk mund të vij te ky organizim”. Kjo pasi mund të vendosemi në kushte që mund të na vënë në siklet me popujt, meqenëse ka një indinjatë të jashtëzakonshme te popujt e Lindjes së Mesme, përtej Lindjes së Mesme, qoftë edhe në Europë.
/vizionplus.tv
