Endrit Shabani u zgjodh me 85 vota pro Avokat i Ri i Popullit mbrëmjen e kësaj të enjteje. Edhe pse u zgjodh vetëm me votat e mazhorancës, përfaqësuesi i PS në studion e Quo Vadis, Alfred Muharremi, tha se kjo ishte zgjedhja më e gabuar.
Sipas tij, meqë është rënë dakord që Avokati i Popullit t’i mbetet opozitës, atëherë duhet të ishte zgjedhur Adriana Kalaja.
Pjesë nga biseda:
Muharremi: Unë, të isha në Parlament, do të votoja kundër Endrit Shabanit. Një njeri që nuk ka lënë gjë pa thënë për PS dhe grupin parlamentar. Nëse kishte një marrëveshje që ky institucion duhet t’i mbetet PD-së, shumë mirë do të ishte modeli nëse do të votohej zonja Kalaja.
Grimci: E mbështes këtë deklaratë.
Muharremi: Një njeri i cili nuk ka kredibilitetin moral si individ, ku edhe hiqet sikur ka qenë i vjetër, ka faj në këtë vendim dhe votohet nga kasta e vendit. Të vendosësh atë vemje kur është rënë dakord që ky kandidat duhet t’i caktohet PD-së, për mua nuk është morale.
