Dimitrov pret Kocias në Shkup, diskutojnë për çështjen e emrit

Çështja e emrit të Maqedonisë është në fokus të takimit që zhvillohet në Shkup mes Ministrit të Jashtëm Grek, Nikos Kocias dhe homologut të tij maqedonas Nikolla Dimitrov.

Ky takim është i një rëndësie të veçantë pasi sikurse është bërë e ditur muajt e fundit të vitit 2017 dhe gjashtë muajt e parë të 2018 do të jenë shumë të rëndësishëm për një ujdi të mundshme ndërmjet Athinës dhe Shkupit.

Rezultatet e këtij takimi do të bëhen me dije në një konferncë për media.

Kocias gjithashtu do të pritet nga Presidenti Gjorge Ivanov, Kryeministri Zoran Zaev si dhe Zëvendëskryeministi për marrëdhëniet BE-Maqedoni Bujar Osmani.