“Different trains” nis me Bethoven  

Bethoven është kryefjala e koncerteve të Festivalit Different Trains këtë edicion të gjashtë. Edhe në takimin me Marin Gjollmën, Gerta Allën dhe Idlir Shytin do të jetë kështu.

E ndërsa për Marinin, Akademia e Arteve është shtëpia e dytë, pasi luan çdo ditë në këtë sallë, edhe si pedagog, nuk është e njëjta gjë për Gertën dhe Idlirin. Ata vijnë nga Franca për të herë të parë.

Të dy punojnë në Francë, pasi kanë studiuar në Akademinë e Operës së Parisit, por pranojnë se emocionet e rikthimit aty ku kanë marrë bazat e muzikës klasike janë të mëdha.

Koncerti i tretë i Different Trains që është shtrirë këtë vit edhe në sezonin e verës jehon në sallën e Koncerteve në Akademinë e Arteve mbrëmjen e së mërkurës.