Autori i masakrës së Resulaj, Ritvan Zykaj do të dalë këtë të hënë para gjykatës.
Mbi 24 vjeçarin rëndon akuza ”Vrasje në rrethana cilësuese, ndaj dy ose më shumë personave”, parashikuar nga neni 79/dh i Kodit Penal. Materialet hetimore i referohen Prokurorisë së Rrethit Gjyqësor Vlorë
Ndërkohë bëjmë me dije se pasditen e 10 gushtit Zykaj ka shkuar me automatik në banesën e Demir Zykës, vëllait të gjyshit të tij dhe ka vrarë tetë persona.
Ngjarja makabre me autor 24-vjeçarin ka shënuar 8 viktima mes të cilëve dhe dy fëmijë, 15 dhe 8 vjeç.
