Ndryshe nga dita e premte, sot në vendin tonë bilanci i humbjes së jeteve nga Covid-19 ka qënë më i rëndë.
Sipas buletinit ditor të Ministrisë së Shëndetësise, këtë të shtunë kemi 4 humbje jete në Shqipëri nga koronavirusi. Tre prej viktimave ishin nga Tirana dhe ishin shtruar në dy spitalet Covid, tek Infektivi dhe “Shefqet Ndroqi”.
Kujtojmë që të premten ishte dita më e mirë e javës pasi patëm vetëm një viktime,.
Fatkeqësisht, edhe pas përpjekjeve të mëdha të ekipeve mjekësore, në dy spitalet Covid, nuk e kanë fituar dot betejën me sëmundjen një 76 vjeçare nga Shkodra, dhe 3 qytetarë nga Tirana; një 50 vjeçar; një 75 vjeçar dhe një 76 vjeçar. Ministria e Shëndetësisë dhe Mbrojtjes Sociale i shpreh ngushëllimet familjarëve dhe të afërmve.
Në total numri i viktimave në Shqiperi nga Covid-19 ka shkuar tanimë në 193. Qarku i Tiranës ka bilancin më të rëndë me 94 të vdekur, pastaj vjen Shkodra me 32 viktima, Durrësi 28, Fieri 10 dhe Elbasani 7.
COVID-19 – Statistika (8 Gusht 2020)
Testime totale 45381
Raste pozitive 6275
Raste të shëruara 3268
Raste Aktive 2814
Humbje jete 193 (Qarku Tiranë 94, Shkodër 32, Durrës 28, Fier 10, Elbasan 7, Lezhë 5, Kukës 5, Korçë 5, Vlorë 4, Dibër 2, Berat 1)
Shpërndarja gjeografike e rasteve aktive sipas qarqeve:
Tiranë 1572
Durrës 354
Shkodër 238
Fier 105
Vlorë 102
Kukës 96
Lezhë 91
Korçë 84
Elbasan 64
Berat 44
Dibër 34
Gjirokastër 30
