Të gjitha taksat dhe tatimet, që Partia Demokratike do të aplikojë kur të vijië në pushtet, kanë një kosto në të ardhurat publike prej 500 mln dollarë. Florion Mima, një nga hartuesit e këtij programi tha në emisonin “E-ZONE” se zemra e tij është trajtimi me dinjitet i individit, familjes dhe biznesit. Ndaj një taksë e sheshtë do të lërë më shumë para në xhepat e qytetarëve dhe biznesit, të cilat do të përkthehen në investime dhe konsum.
“Ku do gjënden këto para? 50% e tyre do të vijnë nga rritja ekonomike, që në vitin e parë ne mendojmë se nga zbatimi i këtij programi do të sjellë rritje të ndjeshme prej 7%. Ndërsa pjesa tjetër e parave do të vijë nga mirëmenaxhimi i buxhetit. KLSH thotë se dëmi në buxhet është edhe më i lartë se kostoja e këtij porgrami, ndaj mundësia për të hequr paratë e pamerituara nga duart e zyrtarvë është e lartë”, sqaron Mima për gazetaren Rajmonda Lajthia.
Mima këmbëngul që do të rishihen të gjitha koncesionet, që janë kryer në mënyrë korruptive, por PD nuk e ka vendosur nëse do të ketë taksë ekstra për të gjithë ata që oprojnë në tregje monopole.
“E sigurt është që ka menkaniza që do të verifikohen kontrata koncesinare dhe paratë e përfituara në mënyrë jo të drejtë do t’i kthehen buxhetit. Ndërsa mbetet ende për tu diskutuar çfarë lloj taksimi do të aplikojmë ndaj atyre që operojnë në kushtet monopoli, çka i kanë fitimet të garantuara”, shtoi Mima për “Vizion Plus”.
Partia Demokratike do të aplikojë taksë 9% për tatim-fitimin, sigurimet si dhe mbi të ardhurat personale.
