Ministri në Detyrë për Evropën dhe Punët e Jashtme, Gent Cakaj gjatë qëndrimit të tij në Bratislavë, ku po merr pjesë në takimin e Ministrave të Jashtëm të OSBE-së, zhvilloi një takim me homologun turk, Mevlüt Çavuşoğlu.
Cakaj përmes një postimi në rrjetin e tij social Facebook, shprehu mirënjohjen për përkrahjen e pakursyer dhe ndihmesën e solidaritetin e treguar nga ana e qeverisë turke, në këto ditë të vështira për Shqipërinë dhe shqiptarët, pas tërmetit që përfshiu vendin.
Krahas kësaj, ky takim u përqendrua në diskutime që lidhen me nxitjen e bashkëpunimit strategjik në nivel dypalësh dhe rëndësinë e bashkëpunimit në kuadër të Kryesisë Shqiptare të OSBE-së në vitin 2020.
