Bllokimi i shërbimeve online/ Meta: Ngjarje e rëndë, duhen masa për rritjen e sigurisë kibernetike

Pas sulmit kibernetik në portalin “e-albania”, i cili ka bllokuar shërbimet online ka reaguar edhe presidenti Meta.

Kreu i shtetit e quan ngjarjen të rëndë, dhe se ka krijuar  vështirësi të jashtëzakonshme për qytetarët, bizneset dhe për shumë veprimtari të tjera të lidhura me këtë sistem.

Meta me ane të një postimi në rrjetet sociale bën thirrje për marrjen e të gjitha masave për rritjen e sigurisë kibernetike, për të parandaluar ngjarje të tilla.

“Kjo situatë, në kontekstin edhe të zhvillimeve të brendshme dhe ndërkombëtare, e rëndon akoma më shumë dhe e kompromenton funksionimin e shtetit, në të gjitha hallkat, ku veçanërisht qytetarët janë ata që i vuajnë pasojat më së shumti” – shkruan presidenti.