Berisha: Javën e parë do të vendosim minimumin jetik prej 200 eurosh, do dyfishojmë rrogat dhe pensionet

Kryedemokrati Sali Berisha ka qenë këtë të martë në Dibër, në kuadër të “Ripërtëritjes”.

Berisha tha se sot Shqipëria është në një gjendje të vështirë ekonomike për shkak të keqqeverisjes.

Ai premtoi se me ardhjen e PD-së në pushtet do të vendoset minimumi jetik, ndërsa theksoi se do të ketë dyfishim të rrogave dhe pensioneve.

“Javën e parë do të vendoset që çdo shqiptar të marrë 200 euro minimumin jetik, sepse do të rritet edhe më shumë.

Po, nuk mund të jetë kurrë problem kafshata. Është krim. Është krim shtetëror që qytetarët e këtij vendi të kenë problem kafshatën e gojës.

Nuk mund të ketë kurrë problem për ilaçet. Është krim shtetëror që qytetarit, në spital apo jashtë tij, t’i mungojnë ilaçet.

Ju garantoj se kjo nuk mund të ndodhë më.

Një qëndrim për dyfishimin e rrogave dhe pensioneve si kusht për ta nxjerrë Shqipërinë nga emergjenca”, tha Berisha.