Presidenti i Shqipërisë, Bajram Begaj ka vijuar me takimet në ditën e dytë të vizitës së tij në Kosovë.
Ai ka biseduar me liderët e partive opozitare në Kosovë, kryetarin e partisë demokratike, Memli Krasniqi dhe atë të Aleancës për Ardhmërinë e Kosovës, Ramush Haradinaj, por jo me liderin e lidhjes demokratike, Lumir Abdixhiku.
Ky i fundit ka refuzuar takimin me presidentin Begaj, sepse sipas tij presidenti e ka ftuar atë të takohen në selinë e Kuvendit. Abdixhiku ka kërkuar që biseda të zhvillohej në selinë e LDK-së.
Më herët, presidenti Begaj ka zhvilluar homazhe në varrezat e dëshmorëve të Kosovës, duke nderuar figurën e ish-presidentit Ibrahim Rugova dhe familjen Jashari.
Presidenti vijon takimet me Komandantin e KFOR-it si dhe me trupat e Forcave të Armatosura Shqiptare, që shërbejnë në KFOR.